Brrr...

Bangon na. snooze. Bangon na. snooze. Bangon na sabi! Tama na ang ka I snooze ng alarm clock.

Late na naman ako. Sarap kasi matulog pag malamig. Para na naman akong robot na maghahanda sa pagpasok. Hay, kailan kaya ako makakaalis sa rat race na ito?

Silip sa bintana. Leche, nag I snow! Ano ba yan? Sabi sa forecast kagabi sunny ngayon. Leche, leche, leche. Pero ang ganda sa labas, puti lahat. Hay!

Gisingin si ate, para tabihan si baby. Pasok sa banyo, i-on ang heater. Number 1 and then number 2. I-on ang tubig para uminit. Shower lang. di babasain ang buhok, baka magyelo sa labas. Nakakaloka, bakit may snow?

Toothbrush..oops bat ang lamig ng tubig? Initin ng konti. Bihis na. panty, bra, sando, sweater, leggings pa kaya? Baka kaya kong wala. Oo, leggings, jeans, medyas. Wag kalimutan ang cellphone para ma check ang mga batang home alone. Dampot ng baon, tira tira kagabi. Isa pang sweater, bonnet, scarf, outer jacket, gloves, boots na hanggang tuhod. Oops, naiwan heater sa banyo, leche, balik na naman sa taas.

Labas ng bahay. Super dahan dahan ang lakad, baka madulas. Nakakaloka talaga. Sa mga ganitong panahon, tanong ko lang, bakit nga ba ako nandito? Bbrrr…